Manchester United ta ci gaba da farfaɗowa a gasar Premier bayan doke Tottenham da 2-0.
United ta ci wasa huɗu a jere kenan yanzu tun bayan da Michael Carrick ya karɓi ragamar jagoranci.
Bryan Mbeumo ne ya fara ci wa ƙungiyar ta Old Trafford kwallo a minti na 38, inda daga bisani daf kafin a tashi kyaftin Bruno Fernandes ya ci ta biyu wadda kuma ta ba su nasara.
Tottenham dai ta kare da ƴan wasa goma a fili bayan bai wa Romero jan kati.
Nasarar ta bai wa Man United damar ci gaba da zama a matsayi na huɗu a teburin Premier da maki 44.