Alƙali ya janye daga shari’ar EFCC da Malami

Mai shari’a Obiora Egwuatu ya janye kansa daga shari’o’i biyu da Hukumar Yaƙi da Cin Hanci da Rashawa (EFCC) ta shigar kan tsohon ministan shari’a, Abubakar Malami, a ranar Alhamis.

Alƙali Egwuatu, wanda babban alƙalin kotun tarayya, John Tsoho, ya sake ba shi shari’ar a kwanan nan, ya ce ya janye kansa daga shari’o’in ne saboda dalilai na kai-da-kai da kuma tabbatar da adalci.