Tsohon ɗan wasan Bayern Munich, Thomas Müller, ya gargadi ƙungiyar da kada ta raina Real Madrid a gasar zakarun Turai.
Müller ya ce duk da yanayin da Real Madrid ke ciki, har yanzu tana da ƙarfi da ƙwarewar da za su iya sauya akalar wasa a kowane lokaci.
Ya jaddada cewa dole ne Bayern ta kasance cikin shiri da taka-tsantsan domin kauce wa kuskure, yana mai cewa manyan wasanni irin wannan na iya sauyawa cikin gaggawa.
Ana sa ran fafatawar za ta kasance mai zafi, yayin da kowanne ɓangare ke neman samun nasara a wannan muhimmiyar gasa ta Turai.